Glei´ noch Kathrein, is es soweit,
nun faungt si au, di STILLE ZEIT.
Advent hoaßt Einkehr – sich zu besinnen,
Gelassenheit und Ruhe finden.
Reinig´n von oitn Lostn,
koan Stress, koa Rennan oda Hostn.
Doch jedes Joahr, di kurz´n Stund´n,
san vü zu schnö für uns vaschwund´n.
Denn goar zu laung san unsre Listn,
hobn sovü Oarbat zan varichtn.
Auf Glaunz g´hört putzt des gaunze Haus,
ausg´suacht und kauft da Weihnochtssschmaus.
G´schmückt di Wohnung und dekoriert,
das d´Zeit a visuell ma siacht.
Flink in vülle G´schäftn hetzn,
ban schenk´n wü ma jo koan valetzn.
Keksal bockn, guat und vü,
hier gibt ma sich die größte Müh´.
Daun is er do, da Weihnochtstog
und ma is müad von oll der Plog.
Ma sitzt sich zaum in olta Weis´,
gemeinsam im Familienkreis.
Und nächstes Joahr – so wird’s vasprochn,
wird ma des olles aundas mochn.