Der Schnee, er deckt die Erdn zua,
die Arbeit drauss´n, de is g´nuag.
Seit a poar Tag is ruhig word´n,
da Bod´n weiß bedeckt und g´frorn.
Die Vögl, di im Land san blieb´n,
hat´s hin zum Futterplatz jetzt triebn.
Die Tiere längst hab´n sie verkroch´n,
tuan dort bereits ihr´n Winterschlaf mach´n.
Und Pflanzen auf dem Flur, dem Feld,
hab´n a ihr´n Wachstum eingestellt.
Nua d ´Leut in eana woarmen Stub ´n,
find´n no goar koa Zeit zum ruh´n.
Des Haus, die Wohnung putzt muass werd´n,
vielleicht a Kamin is no zan kehrn.
Lebkuchen und Keks streng nach Rezept,
werd´n eifrig bacha und in d´Speis dann g´legt.
Und d´Packerl für´n Familienclan,
müass´n a kauft werd´n – und a, a Bam.
Nun schnell wird alles dekoriert,
verpackt, verschönert – die Keks verziert.
Weihnachtsfeiern stehen an,
auf de ma net verzicht´n kann.
Doch langsam in uns wird’s dann still,
a unbeschreiblich friedvoll´s G´fühl.
Umgibt uns wia a warme Deck´n,
und last in uns Gefühle weck´n.
Do brennan Liachta – Kerzenschein,
allmählich ziagt da Fried´n ein.
Die Arbeit ´taun, es ist vollbracht,
nun is sie da, die Heil´ge Nacht.
Es war, als hört ma d´Engerl singa,
als tat´ns dem Kind a Liad darbringa.
A innerliche Seeligkeit,
mocht si in unsre Herz´n breit.
Da Zuastand der Gemeinsamkeit,
find si in viele Menschen heut.
Voll Freud und Dank – ganz hoffnungsvoll,
stehn wir im Geist vorm Kind im Stall.
All unsre Wünsche, die Ängste und Sorg´n,
die ungewisse Zeit von morgen,
des ganze Binkerl was ma hab´n,
kinnan mia heut zum Kinderl trag´n.
Um dann mit Zuversicht und Glück,
zu geh´n unsern Weg wieder a Stück.
Des macht die Kraft in dieser Nacht,
wo da Herrgott uns a Zeich´n g´mocht.
Damit da Mensch vielleicht versteht,
worum´s in unserm Leb´n geht.
Die Liebe soll vermehret werd´n,
des woa sei Anlieg´n – sein begehr´n.
I wünsch euch für die Weihnachtszeit,
a kindlich´s G´spür, vü Hoffnung und Freud.
A gebende und a dankende Hand,
Worte die find´n zuanand´.
Und d´Liab kehre bei uns allen ein,
möge in uns wohnen und drinnen bleib´n.